《老友》

昨晚sms俾个老友--M小姐，lum住约她今日放工后一起同另两位姐妹一起聚下食个晚饭，皆因近来大家都有各自的忙，好来都无一起坐底吹下水了。

其实都早知这位M小姐近来都系好忙，早有预感她会话唔得闲。但我都选择问下她。结果正于我所lum ,她的答复系唔得闲。于是我就好奇兼随意地问返她。。。因么解甘忙？但她就竟然答我话。。：“就系唔得闲咯，我唔系样样嘢都要话你知。。。啩。。？”睇完这封信息，突然有种讲唔出的难受。。。

我同这位M小姐，大大话话都识左有十几年，从小学二年级一起搭校车识的。我地读同一间小学，中学，college。。。甚至乎一起做埋同一间公司。但两年后她就离开左这间公司，而我到今时今日都依然逗留响这间公司。同她做开甘多年的朋友兼姐妹，都清楚她性格系个直肠直吐的人，讲嘢唔会转弯末角，有时重会一针见血。

但睇左她句信息，感觉上有啲hurt咯。甘多年的交情，换来一句甘冷漠决绝的一句说话。我都知每人都会有唔想俾人知道的私隐，正如我自己都有。但我只系想以老友的角度，关心下点解她放工后都会甘唔得闲？要OT？定系有约？。。我而家先知道，原来我同她的交情，友情。。。系有限公司，有极限，有底线的。真系有点耻笑。。。心淡。。。但算啦。。为有gut声吞左它咯。。。鬼叫她系我老友兼姐妹meh 。。。